Najooo… oisa bitte Vorweg… i will ned vermessen klingen, weil vom Foahrarischn is dene earna schlechtaste, zumindest gegen mi, GOTT!!!
Owa genau dazua g’heart fiar mi eben AUCH Nervenstärke!!!
Und genau DE föhlt dem Burschn m.M. noch!
Im Unterschied zum Lore… der hod de erschtn ZWA Saisonen waunn earm da Rossi aum Oarsch pickt ist, OFT weg’gschmissn weul a sich sölwa in Föhla „nervöselt“ hod!!!
Da Dani, mocht des SEIT i dem foahrn zuaschau… imma und imma wieda… FÖHLAFREI und schnöööö waun a ALLANICH ist, es foahrt earm ana in Popsch… er MUASS zuwekumman… „Tschüss“… oisa zumindest kummt mir des so vor… i hob kane Statistiken bei da Haund… owa so empfind i des… a de Mimik noch an Rennan, waunn earm ana zuweg’foahrn is… FERTIG, maunchesmoi… jo bitte ned bäs sein… wirkt a weinerlich auf mi… wia waunns’d an klanan Buam des Küberl in da Saundkistn wegnimmst…
Da Lore is heite a eiskoita Hund… und i glaub ned das des nur wegn dem WM-Titel so wordn ist!
Da Marc is anfoch nur… Foahrgefühl durch und durch… der mocht m.M. noch OLLES mit dem Hinternsensor und unhamlichn Reflexn… des is ned Mowed und Foahra sondan a Einheit… i befürcht nur WAUNN der amoi bäs ohhhsteigt… daunn is des vorbei?!
Ob der Dani zu laung bei Honda is???
Wer was wia’s earm geht waun a wechselt… i empfinde den NED ois flexibel… sunst tät earm des nes so sehr zuwegehn waunn wos „öha obläuft“?! Find i hoid… i glaub der geht bei dene in Pension, oda foahrt unter „ferner liefen“ weiter?!
Wird schon wissen warum a so laung duartbleibt?!
Vielleicht a weul’S earm liegt???
I fiar mein klanen bescheidenen Teil kaunn nur sogn… i fiarcht mia bissl vor an Markn/Typnwechsel…
I foahr schau „ewig“ Suzi… i mog des „ned von allanich in de Kurvn folln“, de Motorcharaktaristik… oisa des Drehzoihbandl… wia sie waunn aunziagt, wia sie waunn wo wocklt (schließlich turnen do 125 kg drauf rum!!!) usw.!
I was ned ob i des auf ana aundan hinbekomm…
I bin jo ned besonders schnö, aum Ring schau goar ned, owa i wüh a ned NOCH laungsauma werdn… do hear i bessa auf, oda werd a Harly-Foahra, oda schiab sunstign Ideallinienverparkerschrott durch de Botanik…
Vielleicht is a deswegen schau 8 Joahr bei Honda???