Probefahrt Tips

Serwus miteinonda!

I bin derzeit, wie anige eh schon wissn, im Auslond und auf da Suche noch an Moped!
Im Endeffekt werds höchstwohrscheinlich a SSP Moped werdn, oba I wüll ma aus mehraren Gründn (ana davon, doss I hauptsächlich in da Stodt untawegs sein werd und de Parkplotzmöglichkeitn meistens nebn Fohrradln sand) de Option SuMo offn lossn!

Jetzn würd I de Leitln, de damit Erfohrung hobn, gern um Tips bittn, mit welchen SuMos I denn demnächst Probefohrtn mochn kennt!
Grobe Punkte, de ma wichtig sand: geringes Gwicht (unta 130kg), guates Handling und mittlere Serviceintervalle (obwohl I bei dem wenign Fohrn a sicha mit Stundenintervallen zurecht kumm) bzw Holtborkeit im Sinne von kane Probleme zwischn de Services!
Leistung is net soo wichtig, oba ols Onholtspunkt sollts schon mehr sein ols a DRZ400SM!
Olso definitiv a „echte“ SuMo! :smiley:

Recherchiert hob I schon a bissal, so vül Auswohl gibts in der Kategorie eh net…oba I bin offn für Vurschläge und wenn I ma 4e oda 5e aussapick zum testn passt des wohrscheinlich! :smiley:

Danke u lg

schaun wie gut des flugvermögen is.

und last but not least burnout machen.

[size=120][image]http://i0.kym-cdn.com/photos/images/newsfeed/000/101/781/Y0UJC.png[/image][/size]

:wink:

oiso i würd mal mit oana fahren und dann urteilen.so schlecht ist de kloane suzi nitta.
mit 500 euken findest logga 6-7 ps (flochschiaba,krümmer,luffi).
alternativ würd i mi um a noggate umschauen,gsr 600/750
shiver…bmw 800…
lg silli

De „holbate“ Sitzposition auf ana (schweren) Nocktn is net meins…hob des scho auf CB1000R, Street Triple und ER-6N probiat! :wink:
Entweda SSP (Cafe Racer warat evtl a noch a Option, oba sand net wirklich meins) oda gonz aufrecht und leicht wia a Sumo/Rolla!

Es werd a SSP Moped angschofft sobold de Ninja vakaft is und I de Parkgschicht gregelt hob!
Dafur warats ma zu schod a CBR600RR oda 954a zum zakrotzn oda umfolln nebn Fohrradln obzustölln, und für a gscheite muass ma scho a bissal wos hinlegn! ;D
Gebrauchte SuMos gibts ziemlich günstig und do braucht ma niama vül dron vaändan, wals eh schon extrem leicht sand…

Also…schreib I holt amol wos I ma bis jetzn so ongschaut (im Internet, aussa de KLX250SF de wor I schon probiern) hob.
SXV550- leicht, wendig, onfällig, teia
Husabergs - ebnfolls leicht, kurze Service Intervalle
DRZ400SM- a bissal schwera bei gleichzeitig da Hälfte PS, ongeblich longweilig zum fohrn auf Dauer (Probefohrt moch I trotzdem)
KTM 600a SM- mit 150kg zu schwer, wenn scho SuMo donn wenigstens leicht
WR250X- warat a Option wals sehr leicht is, guates Fohrwerk hot und I ma de Abgas-Steuer dasporn würd
KLX250SF-billiga ols de Yamaha und a net schlecht wos ma so liesst
EXC300 und EXC-F350 umbaun- zu umständlich und net wirklich holtbor, würd I evtl mochn wenn es mei anzigs Moped warat

Ansunstn gibts noch 125a SuMos von Aprilia, do werd I sicha amol a Probefohrt mochn, obwohl I erwort, doss ma des a bissal zu wenig ccm sein werd! (?)

I hätt ghofft, doss sich a poor findn werdn de scho Erfohrung mit SuMos hobn und evtl a in da Situation worn sich nebn ihrn Sport Mopeds noch a guate Supermoto onzuschoffn!
Wos a imma! :smiley:

lg

Olso um des gonze amol abzuschliassn (;D), probegfohrn werd SXV550 u FS570; KLX250SF u WR250X; und DRZ400SM.
Wenn jemond Erfohrung mit ana davon hot, donn warats natialich fein wenn a wos dazua schreibn kennt, oda a net.
Wal so wies ausschaut gibts do herinnan wenig SuMo Fohra, bin jo sölba eha kana! :wink:

Wos mi intressiern würd warat z.B. de Holtborkeit von da FS vaglichn mit da SXV.
(Service Intervalle hob I ma schon durchglesn in de Handbücha de im Netz worn, oba es spielt sich jo net imma olls genau noch Lehrplan ob, oda? :smiley:

Lg

Fohr zwor a Sumo ( KTM 450 SMR), oba nur a Rennsumo mit ca 100 kg und 60 Pferd am Hintaradl
Oba schau noch ana SXF oda ana EXC . Sand net vüll schwerer, und die Technik ist zuverlässig, und des Angebot ist groß…
Wenns drauf ankommt, bekommst die Teile zu Genüge als Gebraucht im I-Net. wos wei Aprilia bzw bei der Berg net so einfoch ist.

Donk da!

Kennst bzgl EXC evtl a Gschäft, wos den Umbau zu SM guat konn?
Oda is des net so kompliziert?

Soweit I nochglesn hob tauscht ma de Gobl, Federbein, Felgn, (Bremsn?) und Rafn aus und losst sich des Fohrwerk donn einstelln?
Des gonze werd donn, schätz I amol, schon a bissal teira sein, ols wenn ma a fertige SuMo kaft, oda net?

Lg

von wo bist Du her?

Wenns nur a Sumo für die Strossn willst, wird des Fahrwerk net so überwichtig sein, ausser Du willst Sie als Rennsumo umrüsten
Felgen,Fahrwerke, bekommst schon günstig gebraucht im I-Net. Haslacher ist ein Fachmann, für Fahrwerkseinstellungen, und verlangt nicht viel, und kann es für wenig Geld auf Dein Gewicht einstellen.

EXC ist eben die normale Enduro Ausführung von KTM
SXF ist die Cross Ausführung von KTM, welche die meisten Leute für Umbauten nehmen, da das Federbein schon etwas besser ist als bei EXC (so hab ich mir das sagen lassen)

Google etwas…dann wirst genug darüber finden…

Siehe PM. :wink:

lg