Griass enk i woit mi amoi vorstoin bevor i onfong do mitzschreibn.
I bin da Grattler, bin a oida sack und wohn in soizburg. Wo genau miasats in ana PM dafrogn weil i mi mit persönliche details eher zruckhoit.
Und mei liabste freid is mit meine spuckerl durch die gegend z eiern. Saisonpause kenn i ned und fohr am liabsten im winter oder wenns rengt. Donn hots koane saisonbochanen und koane wochnendfohra.
I lies do jetzt scho seit drei johr mit und in der gonzen zeit hob i ned a nua amoi was mützliches oder was interessantes oder sonstwie brauchbores lerna kenna.
Und do hob i ma denkt dass des a irgendwie a leistung is und dass i des eigentlich a kunnt. I konn bestimmt an gonzen tog ohne an tau von irgendwos z’hom deppert daher redn und nix nützliches zum forum beitragen.
Aussadem iss lässig endlich amoi in am forum schreibn z’kina in dems zum guaden ton gheart ondare regelmässig oz’pöbin und zu beleidigen. Super find i a dass se bei konkrete frogn a jeder so richtig ostrengt so vü wia möglich üba wos komplett anderes daherzuschwadronieren oba die eigentliche frog voigas ignoriert.
Des muass ma ois erst amoi kenna wei so einfoch iss a wieda ned, sunst warats jo übaroi anders a so.
Ogmoit hob i mi jetzt nua wei i heid an fred gseng hob wo i a wos schreibn woit.
Jo und damit die schneckies do herinnen endlich amoi wen gscheidn zum ausreitn hom. I fohr am liabsten mit de weiber wei die eh nia nochkemman und do kimmst ma donn immer so vur ois ob mei beidl glei doppit so gross warad wira is. Oba bitte ned de bladen 30+ jährigen typischen mopdedtreiberinnen sondern de knackigen, schenen 18 - 25 jährign. Bei dene is de fohrschui no ned so long her und de kinnan sie no dro erinnern dass ma se in die fohrpausen körperlich betätigen soid.
I bin übrigens, obwoi a grattler, recht tolerant. I hob soitn was gegen individuen, bloss gruppen gengan ma aufn sack. So ois beispü wos i moan foin ma Supersportler ei (weis imma in de schensten kurven umdaum stengan und se so potent vorkemman wenns auf da 4-spurig ausbauten groden 200 fohrn kennan. Oba nur im summa wenns ned rengt und ned zkoit is oba vor ollem ned zhoass.) oda tschopperfohrer (weis in ernam lederwesterl und mit der suppenschüssel am blutza glaun sie sand de oberhortn hells angels . Oba nua im summa, wenns ned rengt. Oda zhoass oba vor allem ned zkoit iss.) und wochenendfohrer (wei 80% von alle mopedfohrer autofohrer sand de hoid zufällig a a kraxn in da garage steh hom. und so olle 4-5 wochen amoi wenns unterm schlopfen von ernana oida ausa derfn für a poar stunderl am wochenend fohrn derfn.).
I fohr übrigens fost ausschliesslich unta da wochn wei am wochnend hob i imma de ongst dass leit von 1000PS auf da gleichen strecken unterwegs sei kunnt wia i und i häng hoid amoi an meim lebn.
I suach oba imma mitfohrer. Gern a superbiker, orme tschopperl und wochenendfohrer wei gegen individuen hob i soitn wos. Oba am liabsten waradn ma eichane schneckies.
Mei i glaub des duats erst amoi. Beschimpfen kennst mir donn entweder über PM oder da in dem thread herinnen.
Da Grattler!